53 dagar igjen - snøen er her

Eg elskar snøen og vinteren, og vil gjerne ha den heilt til eg reiser til Aussieland og sommaren. No er snøen kome til Fitjar, og eg håpar det er for godt, i allefall fram til jul! I går var eg ute og tok bilete, her er nokre av dei :)

Only 68 days left...

Eg har funne ut at eg likar hausten. Delar av den i alle fall. Slik som fargane, stearinlyskveldar, ventinga på jula, osv. Det eg ikkje likar er at den får halsen min til å snurre seg saman, feberen til å stige, og nasa mi til å bli raud. I dag er eg nemleg sjuk, og det har eg meir eller mindre vore heile veka. Grunna kvalme (i tillegg til det andre) tok eg i dag ein heimedag, noko eg kjenner at kroppen min treng. Men det er ganske keisamt og sløvt å berre sitje heime i sofaen, eg ville heller vore på jobb og vore på Blessed i kveld. Men av og til treng ein dagar som dette.

November has arrived, og januar nærmar seg med stormskritt! No har eg eigentlig alt klart; eg har fått visum, og meldt meg på skulen sitt leilighetsprogram. Eg gledar meg sjukt mykje, men eg gledar meg og til dei siste månadane heime, til å kose meg med familie og vener. Det er mykje som skal skje, mormor sin bursdag, Gunn Tove sin bursdag, advent, onkel sin 50-årsdag, Martin sin bursdag, JUL og nyttår. I tillegg må eg pakke, gjere ferdig Hurdalvideo, skrive ei smart ønskeliste - med ting eg treng og kan ha med meg til Aussieland, og så har eg diverse møter eg skal synge på med jentene.

På søndag er det farsdag, og i morgon har eg jobbelaurdag. Det betyr at dagen nok kjem til å bli særs travel med kaker i alle kjøleskap. Eg veit ikkje om eg er heilt up for it, men det kjem nok uansett ;)