Flyturen tilbake til Sydney.

Først vil eg berre seie at å vere i Norge på ferie var herleg. Kjekt å sjå familie og venner igjen. Kom tilbake til Sydney onsdag kveld og no er det fredag morgon.

Flyturen var så som så.

Reiste Flesland - Helsinki - Hong Kong - Sydney.

Då eg sjekka inn på Flesland, spurte eg om eg kunne sjekka inn bagasjen min for heile turen til Sydney. Mannen som var der sa at her sto det at eg skulle til Hong Kong, og at han berre kunne sjekka meg inn til Hong Kong. Eg sa at eg skulle reise vidare til Sydney med Cathay Pacific som samarbeidar med Finnair (som eg elles reiste med). Men det gjekk visst ikkje å sjekke inn heile turen (sjølv om det har gått alle andre gonger), men han sa eg kunne spørre på Finnair-desken i Helsinki.

Som sagt så gjort, eg gjorde det, og kvinna der sa at ho kunne gje meg boarding-passet til den siste turen, men at ho ikkje kunne gjere noko med bagasjen, det måtte dei gjere i Hong Kong. Var litt skeptisk til dette, då eg hadde ca 1,5 time i Hong Kong. Og då eg kom meg på flyet, viste det seg at det var 40 min forsinka ut frå Helsinki, og landa 25 min forsinka. Så eg hadde litt over ein time i Hong Kong, ein stor flyplass med lite folk.

Eg kom meg til Cathay sin transfer desk, og fekk fiksa det der, men grunna stresset fekk eg ikkje tid til å ete mat i Hong Kong (dei hadde Burger King!) Eg mislikar flymat utruleg sterkt, må berre seie det. Dei har aldri nokon form for normal mat, berre asiatisk mat, om du spør meg.

På det siste flyet mellom HK og Sydney var det mykje turbulens. Det er alltid det på den strekninga, men denne gangen var det veldig mykje, og eg vart så kvalm! Var heilt sikker på at eg skulle kaste opp, eg var så nær! Seriøst, ikkje ein veldig kjekk kjensle. Og i tillegg hadde dei setebelte-påbud akkurat då, så eg måtte vere i setet mitt. Flymaten sto foran meg, og lukta hjalp ikkje.

Dei siste 3 timane sat eg og såg rett fram omlag heile vegen. Var så herleg å komme ut av det flyet, det må eg seie.

Gjekk rett til McD for å få meg litt mat. Gløymde at eg var kvalm. Heilt til eg åt. Haha, men det gjekk finfint!