Veka som var.

No skal eg straks legge meg, men eg fann ut at eg burde oppdatere bloggen min. Før eg fann ut kva eg skulle skrive om spurte eg Erica; ho sa eg burde skrive at: "Erica is the coolest person in the world."
Så eg sa at det skulle eg gjere.
Og det har eg gjort.

Tenkte berre eg skulle sende ein liten update på kva eg har gjort i veka som var. Små ting og store ting.

- Onsdag og torsdag hadde me Healthy Home seminar med kyrkja. Onsdag kveld snakka doktor Robi Sonderegger og barneoppdragelse og litt anna. Torsdag snakka John og Helen Burns om ekteskap men og om forskjellen på kvinner og menn sin hjerne - lærte utruleg mykje!

- Tirsdag var eg i den lokale videobutikken og fann ein film eg har savna. så eg kjøpte den. Og eg elsker den. Det er den ultimate romantiske komedie. Ever made. Og utrulig morsom. Kva for ein film? NOTTING HILL!!! <3

- Søndag var eg som vanleg i koret - og eg har vendt meg til å stå opp klokka 05.30. Seriøst. Eg la meg ca rundt midnatt og eg hadde ingen problemar med å stå opp. At all. Men eg hadde problem med å halde meg vaken om kvelden. hehehe.

- I dag laga eg (igjen) heimalaga kjøttkaker, og dei vart veldig gode. I tillegg hadde eg heimalaga potetstappe. Og på ein eller anna måte klarte eg (igjen) å ta for mykje pepar i den. Forrige gang øydela det heile middagen, så denne gangen sa eg til Erica at ho måtte google "what do you do when you have too much pepper" og alle sidene sa at eg ikkje kunne gjere noko med det. Før til slutt ein sa ta i litt sitronjuice eller saft frå ei sitron. Og eg opna kjøleskapet og fann - sitronjuice. På flaske. Skjønar ikkje kvifor nokon vil ha det. Men eg tok det i potetstappa - og det funka! Så middagen var kjempegod.

- Søndag kveld (i går) feira me Margrethe sin bursdag. Som sagt hadde eg problem med å halde meg vaken, men det var veldig kjekt altså. Eg laga norske skulebollar! Og det beste var at det ikkje var i vårt hus, så me slapp å rydde etterpå, hahaha. Ho feira nemleg med Kirsten fra Sør-Afrika og Lisa frå Sverige. Hej hej.

- Og i dag gjorde eg tre assessments. Hurra!!

- Forresten, på laurdag hadde me Norwegian connect. Og eg fann ut at verda var liten:

• Ein person kjente ei eg kjenner frå Fitjar.
• Ein anna person kjente ein slektning av meg i Ålesundsområdet.
• Ein anna person hadde kjærast med hytte på Fitjar, gjekk i samme barnehage som Remi (mi søsters kjærast) og budde på samme stad som Malin søskenbarn og hennar familie.

:)

God natt vakre nordmenn!

Sandstorm

God morgen vakre menneske. Dette vert eit kort innlegg for no skal eg eigentlig stå opp.





Men i dag tidleg våkna eg litt før sju av at noko raudt lyrte på meg. Eg fjerna gardinene og såg ein raud himmel, men den var ikkje soloppgang-raud, men skya raud. Ein venn tok dette bilete:

Det var sandstorm i Sydney i natt, noko som er veldig sjeldan visstnok. KULT!

Her er fleire bilete. Ha ein fin dag.

http://www.smh.com.au/photogallery/environment/dust-turns-sydney-sky-red/20090923-g0tw.html?selectedImage=1

Om det var ein ting eg ville vore forutan i livet...

... så er det flybillettar.

Spesielt når du er litt seint ute.

Du finn billige billettar på alle slags sider, type flybillett-bestillings-sider.
Eller billig og billig det er jo frå Australia til Norge, så billig er feil ord. Men dei minst dyre.
Men så ser du på reiseruta at turen tar 45 timar. Nei takk!

I ettermiddag (frå ca 17.30 til ca 21.30) har eg tilbrings dagen foran pc'en og sjekka billettar.
Tingen er at eg vil helst reise med nokon, men alle andre har bestilt. Så då må eg prøve å leite etter deira flyruter på nettet, og dei fleste er fulle eller opptatte etc. Eller dyrare.

Til slutt, veit du kva eg gjorde? Eg gjekk inn på sas.no. Og såg at billettane der er berre litt dyrare (500 kr) enn dei som tok 45 timar. Og desse tar ca 26-27 timar. Oh yeah!

Men å bestille på sas.no er ikkje alltid like lett. Spesielt ikkje når sas seier at billetten er ledig heilt til du skal betale, då er den ikkje ledig lengre, prøv igjen. Og du prøvar igjen. Og skifter ruter. Men sas vil ikkje samarbeide. Vel - det gjekk til slutt. Når eg hadde skifte dag og rute. Men det kosta det same, og tok ca lika lang tid.

Sukk. Eg gruar meg allereie til å bestille neste billett. For eg følar alltid at eg kunne fått det billigare. Men det nyttar ikkje om den så kostar ei krone og går via New Zealand, USA, Peru, Mosambik og Kina. Eg tar den likevel ikkje....

Men dagens gladnyhet! Eg har billettar! Eg kjem heim om ca 2,5 månadar! SJUKT! :)

Amazing Grace

Amazing Grace, how sweet the sound,
That saved a wretch like me.
I once was lost but now am found,
Was blind, but now I see.

Forunderleg, eit vrak som meg
kan nådens kalling nå!
Eg var fortapt, men fann ein veg.
Eg som var blind, kan sjå.

Amazing grace vart skrive i 1772 av John Newton. Den er kanskje ein av dei mest kjende salmane nokon sinne. Når eg var liten trudde eg den handla om ein person som heitte Grace. Men eg fann seinare ut at det var feil.

Grace på norsk er nåde. Nåde er ufortjent. Nåde er at sjølv om eg har gjort ting som gjer at eg ikkje fortener at Gud er med meg, så er han det likevel. Sjølv om eg ikkje fortener at han forandrar meg så gjer han det likevel. Sjølv om eg ikkje fortener det, så elsker Gud meg, han tilgir meg og han gir meg moglegheiter.

Denne sangen har så mange interessante sider ved seg, ei av dei fann eg ut av for ikkje så lenge sidan.

Eg har alltid sett for meg John Newton som ein type mann som var flink å skrive sangar, alltid hadde vore kristen og aldri hadde gjort noko gale. Men det var han ikkje. Denne mannen hadde mange sider ved seg. Først var han ein slavehandlar, så gjorde han noko gale og vart straffa ved å være slave sjølve, før han til slutt jobba seg opp som slavehandlar igjen. Denne mannen visste korleis det var å være slave for ein annan person, men valte likevel å køyre slavar over atlanteren til Amerika for å selje dei. Denne mannen var ikkje den perfekte kyrkjegåande syttenhundretalsmannen.

Men etter mange år til sjøs kom han seg i land igjen, gifta seg, og vart kjent med Gud. Og han vart kjent med Guds nåde og tilgjeving.

Og etter at eg fann det ut han denne sangen fått ei heilt ny meining for meg.

For eit par år sidan skreiv artisten Chris Tomlin (som var på Hillsong conference) ein ny versjon av sangen, denne gangen med eit refreng.

Han fortalte historien om John Newton på konferansen, og refrenget hans passar utruleg til historien fordi det kan lesast som ein slave ville lest det, og som ein kristen ville lest det:

My chains are gone, I've been set free
My God, my Saviour has ransomed me.
And like a flood, his mercy rains
Unending love, amazing grace.

Fritt oversatt utan rim:

Mine lenker er borte, eg har blitt satt fri.
Min Gud, min frelsar har ofra seg for meg.
Og som ein flom regnar hans barmhjertighet.
Uendeleg kjærleik, utruleg nåde.

Om du vil: Høyr hans song her!!

Eg forsøv meg ALDRI!

Bortsett fra i dag.

Til vanleg på søndagar står eg opp 05.30, for å forlate huset 06.30 og være i kyrkja 07.00. Til vanleg. For ikkje i dag.

I går hadde me storfest i huset mitt, og eg la meg rundt midnatt, sovna litt seinare. Før eg la meg så sjekka eg 3 - TRE - gongar at alarmen min er på - det gjer eg alltid, og er sannsynligvis grunnen til at eg ikkje forsøv meg.

Så sovna eg.
Så vakna eg. Eg opna augene (og eg hadde sikkert draumt på engelsk) og det første eg tenkte var. "Crap. The sun is up." På godt norsk. "Shitt. Sola er oppe." Eg såg på mobilen at klokka var SJU. 07.00. Eller 07.02 for å være nøyaktig

Okei, viss du er treig. Eg gjentar. Eg pleier å gå klokka halv sju, for å være der klokka sju. Eg hoppa rett og slett ut av senga, sprang ned, fikk panikk, sprang opp, gjekk full full fart på badet, tok på meg klede. Og gjekk. Og var i kyrkja klokka 07.35.

Noko som var litt flaut. Fordi når eg kom var heile koret og lovsangsbandet på scena og eg kom opp etter alle andre. Awkward.

Og alle spurte kor eg var blitt av.

Men eg kan ikkje hugse å ha høyrt alarmen at all. Så eg har nok sove godt, hehehehe.

I morgon er det beach day, yeey! Så det blir bra. Det skal regne om morgonen så me gidd ikkje gå tidlig, noko som er ein god unnskuldning til å sove litt lengre.

Og - forresten! Dette er den varmaste våren eg nokon sinne har vore borti, hehehehe. Den første vårdagen var for 13 dagar sidan, i dag var det 35,5 grader. Kokvarmt!!
Eg hoppa uti bassenget, men det hadde ikkje innsett at det skulle være varmt, så den var iskald. Føltes litt som Storavatnet 13 dagar etter den første vårdagen... Heheh
Så eg var tilbake på "land" etter ca 5 sekund. Seriøst. Freezing.

I alle fall. Alle meiner at sidan våren er så overraskande varm så kjem sommaren til å være drepande varm. Eg meiner at det er bra eg kjem heim til Norge. heheh.
Men denne gongen er det best eg har ein brunfarge, eller kva HanneRemi?

God natt frå Sydney.

Bursdagshelg

No sit eg på rommet mitt mens folk ropar og danser og har høg musikk nede. I dag har nemleg tvillingane Julia og Isabelle bursdag. Men dei er ikkje dei einaste.

Her er mi travle helg:
Fredag: Jentekveld med nokre av ungdomsledarane mine. Frå ca 7 til ca 11. Om kvelden

Laurdag: I dag.
Street teams frå ca 9 til 12. Feira to i street teams sin bursdag. For på stranda med folk frå Street teams frå ca 12 til 17.30. Gjer meg klar til fest. Fest for tvillingane. Etter ei stund, gå 5 minutt; fest for ei anna bursdagsjente; ei god venninne frå klassen min. På den festen har og ei anna jente bursdag, så tilbake til tvillingfesten. Legge meg ca midnatt (forhåpentlegvis; det er om 10 minutt)

Søndag: Kyrkje og kor, må gå 06.30, er ferdig ca 12.30, heime ca 1. Så er eg heime i tre-fire timar (rydde rommet?) og må være tilbake i kyrkja 17.30. Rett etterpå er det bursdag for connectledaren min Lydia til over midnatt, for ho har bursdag på mandag og derfor skal me feire til mandag.

Og på mandag: Til stranda med klassen. Mesteparten av dagen. Kjekt, men litt småstress.

Og alle desse tinga er viktige å prioritere, er ikkje den type bursdag du kan skippe, alle er viktige folk. Så det er ei travel helg.

Elisabet gjer ting ho ikkje kan: I dag: Synge ein Stevie Wonder-sang foran klassen++.

Hovudvokal: Elisabet
Bakgrunnsvokal: Aynsley og Vanessa

Piano: David S.
Gitar: David F. og Matthews
Bass: Wilhelm
Trommer: Alex

Ein dag på skulen

Fredag er ein fin dag. Då har me kun musikkfag. Dette rimte ikkje med vilje.
Tenkte eg kunne leggje ut litt bilete så dykk ser litt korleis det er.



Dagen byrjar med eit sunt stolkappløp. Her ser du Darren (venstre) rett etter at han har velta stolen i kappløpet. Her har han nettopp fått brillene på seg igjen, dei datt nemleg på gulvet. I lilla står Aynsley og ler. Til høgre er Sam som Darren kappa med. I bakgrunnen i raudt tar Caleb eit hopp på sparkesykkelen.



Her har me hoppa inn i meir seriøse saker, sjølv om det kanskje ikkje ser heilt slik ut. Me er på internettsida 8notes.com, og testar oss sjølve. Me må finne ut kva notar som er med i akkorden me høyrer, og det er ganske høglytt rundt oss, så me lener oss inn for å finne ut av det. Dette er meg og Vanessa (caps). Til venstre er Sue.



Her har eg, Vanessa og Aynsley funne oss eit piano. Vanessa og Aynsley øvar på stemmene dei skal synge, dei er nemleg bakgrunnsvokalistane på sangen eg skal framføre.



Dette er inngangsfoajéen til Hillsong kyrkje. Eg veit ikkje om du skriv foajé slik, men eg satsar på det. Den er veldig fin. Men det var her eg og Vanessa prøvde å høyre frå PC'en vår noko som kan være litt vanskeleg.


Her er deler av bandet eg skal framføre med. Dei to vokalistane er Matt (venstre) og Sam (høgre). Dei skal og framføre med dette bandet. På gitar nærast kameraet er David. På gitar nærast heisen er Matthews. I tillegg har me David på piano, Alex på trommer og Will på bass. Flinke folk! Dei imponerer!!

Elisabet gjer ting ho ikkje kan og anna nyttig informasjon.

I dag: Korleis lage kjøttkaker?

- Kjøp kjøttdeig.
- Tin den om den er fryst
- Kna den til ein deig.
- Ta oppi egg. Dette held kjøttdeigen saman
- Ta oppi passe med salt og pepper.
- Kna til den heng saman som ein deig.
- Del den i passe store "kaker".
- Steik den.


- Lag brun saus frå TORO-pakke.
- Kok poteter, enten vanlig eller knus dei og lag potetstappe (ta i melk, salt, pepper)

PS! Ikkje ta for mykje pepper i potetene. Det øydelegg heile middagen, believe me!

Elisabet sin første ting ho ikkje kan har no blitt ein ting ho kan!

Dagens tips: Om du vil føle deg viktig, snakk om deg sjølve i tredje person. Det gjer Elisabet.

Dagens djupe sitat 1: Du blir det du tilber. - Lee Burns, rektor og pastor.

Dagens djupe sitat 2: Jesus = liv, men er ditt liv = Jesus? - Thomas Hansen - ungdomspastor.

Dagens rare outfit: Eg med ein meksikansk sombrero på hovudet gjennom heile ungdomsmøtet, fordi eg vart tilfeldig plukka ut av mange ledarar.

Visste du at... eg samlar på gode sitat? Har du eit? Morsomt eller veldig interessant? Spesielt frå personar. Post det i kommentarfeltet. Takk. (Eg må komme i gang, har ikkje "samla" så lenge.)

Det var alt frå i dag. Me snakkast i neste episode av Elisabet gjer ting ho ikkje kan og anna nyttig informasjon. Hahaha