Encounter '09

Internet USB’en min er øydelagt. Den funkar berre når eg held den på ein spesiell måte, og då berre i 1-2 minutt.

Så derfor skriv eg dette i word, og skal bruke 1 minutt med internett på å gå innpå bloggen og laste opp dette innlegget.

Takk for alle kommentarar på det forrige innlegget. Grunna mitt 1-minutt internett så fekk eg ikkje svart men eg har lest dei. Mamma, ikkje bekymre deg om engelsken, det går så bra så. Remi: Sorry, grunna min 1-minutt internett – ingen bilete her, og det blir nok mykje skriving. Skal prøve å bli flinkare med bilete :)

----

Denne helga – torsdag til laurdag har me hatt Encounter – konferanse. Det er ein årlig ungdomskonferanse frå 13 år til 25 år. Så eg var vel ca midt inni der.

Konferansen har vore fantastisk! Me har lært mange nye songar (neste albuminnspeling er 8. november), og eg trur dei fleste av dei kjem til å bli blant mine store nye favorittar – dei er såååå gode!!

Me har hatt utrulig gode stunder der Gud har vore utrulig tilstade. Eg sit og ser igjennom notatane mine og ser på kva eg skreiv og det har vore stort. Her er eit lite utdrag oversatt til norsk:

”Gud er ein valets Gud. Han valte å skape, han valte å kome til jorda som eit menneske og sette grenser for seg sjølve frå ein allmektig Gud som kan være overalt på same tid til eit menneske. Han valte å bli fødd i ein skitten stall av eit fattig ungt par. Han valte å ikkje synde, sjølv om han var frista på alle mulige måtar (Hebrearbrevet 4:15). Han valte å leve eit prikkfritt liv, å være lammet som vart ofra for menneska sine synder. Han valte å dø for meg og deg. Han valte å skape meg i den tida eg er i, og i den familien eg er ein del av, og i det landet eg vart fødd i. Han valte meg før verda vart til, og eg var alltid ein del av hans plan. (Efesarbrevet 1:4) Alle desse vala er bevisste og for grunnar som er større enn meg og mine planar.”

Gud er i full kontroll over mitt liv akkurat no. Eg trur ikkje på tilfeldigheter. Eg trur ikkje at det var tilfeldig at eg laga ei facebook-gruppe for alle som skulle byrje på Hillsong samtidig som meg, og at eg endte opp med å flytte inn med 4 av jentene i den gruppa. Eg trur ikkje det er tilfeldig at same dagen som eg ba (for 6 månedar sidan) om at Gud måtte vise meg nokon som trong han som eg kunne snakke med, gjekk eg innpå Facebook og ein gut eg gjekk på vidaregåande med som eg aldri har hatt ein full samtale me kommenterte på statusen min. Og eg trur ikkje verda vart til ved ein tilfeldighet. Eg trur ikkje at ein tilfeldighet gjorde at det kom ein svær eksplosjon som etter lang tid gjer at me er her.

Kanskje var det ein svær eksplosjon som gjer at jorda er slik den er osv; det veit ikkje eg, eg var ikkje der. Men eg trur at Gud skapte verda med vilje og med ein plan for kvar og ein einskild person han skapte!